De nowwe Jeugdpreens vanne Schäöpkes: Joris I


In ’t Groenewoud és op zaoterdig 11 jannewarie op ‘t Lemkesbâl de nowwe Jeugdpreens van V.V. De Schäöpkes uutgeroope. ’t Es de 11 jaorige Joris Linders, zoeën van Ruud Linders en Jenny Linders-Levels. Same met zien vader, mooder, breurke Daan en poes Mika woeëntj hae aanne Gulikstraot

 

Joris es lieërling aan OBS “de Graswinkel”. Naeve Vastelaovundj gieët hae gaer boete spuuële, meûnte verzamele en fotografieëre. Mer zien groeëtste hobbies zeen Judo enne Jeugdbrandwieër en daorum hieëf hae de “Orde vanne  Blussendje Judoka” ingesteltj. Zien adjudânte di-j hem met dieës drökke dage beej zulle staon zeen:

Finn Kemkens en Fenne Keijers

 

Same zulle ze de Jeugd in ’t Groenewoud vuuërgaon ônger zien devies:

 

“Efkes geine Judo, meunte verzamele of ’n veûrke blusse

  Want dit Vastelaovundjveûr es neet te susse”

 

De nowwe Landhieër vanne Schäöpkes: Landhieër Dennis III

 

Ônger groeëte belangstelling és op zaoterdig 11 jannewarie 2020 de nowwe Landhieër 2020 van V.V. de Schäöpkes in ’t Groenewoud uutgerope.

’T és Dennis lll Biesmans, 23 jaor, zoeën van Johan Biesmans en Wienie Coolen.

Hae hieëf 'nne broor Sander. Sander hieëf same met Denise 'n dochterke Fayenne woeë Landhieër Dennis III de gruuëtse paetoeëm van es.


Hae woeëndj same met zien aojers oppe ’s Hertogenradestraot 11.

In ’t daagliks laeve wêrkzaam beej Electronic Equipments in Wieërt as test- en repair engineer.


Zien hobbies zeen meziekschrieve en bespuuële van verschillendje intruménte.
Daonaeve deut hae gaer pôngele met techniek en gieët hae oppe tiêd ‘nne kerremis bezeuke.

 

Same met zien Adjedânten Dennis, Martijn, Joris en Youri gieët hae de Vastelaovendj vuuër ônger zien devies: “Het is ‘t ein of het ânger. Dit jaor bin ich de Landhieër en volgend jaor weer beej Deindânger”.

 

Umdet de Landhieër same met Martijn Kuiper 't zangduo Deindânger vorremtj hieëf hae de “Orde van Deindânger” ingesteldj.

 

Biezeundjer es dette Landhieër in 2008 ouch al Jeugdpreens es gewaesj beej de Schäöpkes

 

De Landhieër wînsj edereîn ‘ne geweldjige vastelaovendj met völ lôl en plezeer!!

Oeës sponsore

di-j vae hieël dânkbaar zeen vör eur beejdrage