Jeugdpreens & Landhieër vanne Schäöpkes

De nowwe Landhieër vanne Schäöpkes 2018: Dennis II
 

Ônger groeëte belangstelling és op zaoterdig 6 jannewarie 2018 de nowwe Landhieër 2018 van V.V. de Schäöpkes in ’t Groenewoud uutgerope.

’T és Dennis ll van Lierop, 41 jaor, zoeën van Piet van Pier van Lierop en Mien van Lumkes Pier.
Getrawdj mét zien babiesit Ria van Gerard van Rademaekers Sjef en Leen van Brunenberg van Potte Sjef.
Same met boxer Bert woeëne ze oppe Magdalenastraot 42. 

In ‘t dageliks laeve és hae wêrkzaam beej Lumar Verheur op Kampershook.
Zien groeëtste hobbie és zien vraw, ziene hoond Bert en ziene dikke Amerikaan.

Same met zien Adjedânten Susan Janssen, dochter van Ria
Robin Brouns, vriendin van Susan en kammeraod Karl-Heinz Kwakman gieët hae de Vastelaovendj vuuër ônger zien devies: “Op ’t wêrk kinne ze mich mét dieës daag neet verheure, want beej “De Schäöpkes” moog ich de vastelaovendj steure”

Umdet de Landhieër inne verheurbranche zitj, hieët hae de “orde van ’t verheurmenke” ingesteldj.

De Landhieër wînsj edereîn ‘ne geweldjige vastelaovendj met völ lôl en plezeer! 


De nowwe Jeugdpreens vanne Schäöpkes: Juwin I
Op zaoterdig 6 jannewarie es op ’t Lemkesbâl oeëze nòwwe Jeugdpreens uutgeroope. ’t Es de 12 jaorige Juwin Sijben, zoeën van Mario en Natasja Sijben. Same met zieën vader, mooder, zöster Indy, hûng Duca en Senna woeëntj hae aanne Limburglaan. Hieël spesjaal es det zieëne Opa Piet en zieën vader allebe-j al Landhieër zeen gewaesj beej de Schäöpkes en zieën zöster in 2014 Jeugdpreenses. Uniek um 4 Hoeëghede binne ein femilie te hebbe!!

Juwin studieërtj op Baazisschoeël “Aan de Bron” in groep 8. Naeve Vastelaovundj hieëf hae nog ânger hobbies zoeë as game. Mer zieëne allergroeëtste hobbie es voetballe beej DESM. Daorum hieëf hae de “Orde van ’t Gamendj Voetballerke” ingesteltj. 

Zieën adjudânte, di-j hem met dieës drökke dage beej zulle staon, zeen: Marieke Brils en Bastiaan Feij.

Same zulle ze de jeugd in ’t Groenewoud vuuërgaon ônger zieën devies :

“Met dieës daag goes ich de kontroller enne bâl aanne kânt en scoor ich in ’t Vastelaovundj lând”

 

Jeugdpreens Juwin I weensj eederein “unne gooje Vastelaovundj!”