Home

Beste bewoeëners van ’t Groenewoud, Vastelaovundjvrînde,

Un now sezoên stiêt weer vuuër de duuër. Vieja dieëze wieëg moog ich uch un gewêldjige Groenewoudse vereiniging vuuërstelle. V.V. De Schäöpkes.
De Schäöpkes veule zich op dit momênt as lemkes in un “groene(woud)” lente wei-j.
Deenktj aanne gruj di-j de vereiniging mej hieët gemaaktj. Deenktj aanne suksesvolle evenemênte zoeëas de Buut. Ich bin dan ouch zoeë gruuëts as un pauw, det ich as Vorst dieës gewêldjige vereiniging moog lei-jje.
Kieëke ve trök op ’t zieër geslaagdje aafgeloupe sezoên. Oeës Jeugdpreenses Dewi I en Landhieër Maikel I met eur gevollug enne Raod van Elf di-j eeder fieëst/resepsie de zjuuste snaor wiste te rake. De stuuën vanne aojers vanne Jeugdraod, al oeës vreejwilliggers enne sponsore di-j met un noeëts aafnemendj entoesjasme de schouwers d’r weer ôngerzette en zoeë oeës evenemênte muuëgelik make.
De gastvrijheid di-j ve in ’t Gemeinschapshoês Groenewoud mooge ervare.
De vrîntschap met oeës zöstervereiniginge, di-j stieëts hegter wuuërtj.

Kieëke ve nao ’t now sezoên verwieëze ve nao de “aktiviteite” van dieëz websaaijt
Ich hoeëp det ve as V.V. De Schäöpkes vör uch ’t sezoên in ‘t Groenewoud  weer spesiejaal kunne make. Aanne vastelaovundvereiniging van ’t Groenewoud zal ’t neet ligge. Ve weense uch allemaol un gewêldjig sezoên tow.

Mogdje mier informasie wille aangaondje dieës gewêldjige vereiniging kujje altiêt kontakt met os opneme. (kontakt pagina)

Ich hoeëp det vae d’ein d’ânger beej ein vanne evenemênte de hând kunne schödde en d’r eine kunne drînke.

Names VV De Schäöpkes,

De gruuëtse Vorst
Ton de Waal.